Quantcast

فسحة الأحد الشعرية يكتبها عمار جماعي ...حلمة

حلمة 

 » نحبّ كسوتي أحلى كساوي العيد  » !

و ضحك ولدي و ضمّني وضمّيته ..

و انساب نهر العمر ،

تفكّرت عيد ڨديم ، نحساب ڨلت نسيته

و باباي و أيّام التّعب و الهول .. !

و ربحة عرڨ ليّام في سوريته

و عيون ولده يسلّموا

ومن غير ما يتكلّموا …

 يتواعدوا ع الكسوة

و يتبسّموا لثنين ع التّلفيته

كيف ما تبسّم ولدي … كي ضمّني و ضمّيته

**

في الفجر هزّتني نسايم حِلوة

م النّوم نادتني بلا ميعاد

و العمر وردة محنّية بالنّدوة

و العيد في حساب الشّدايد غدوة..

و الوالدة ترحي عڨاب الزّاد

و تدعيلنا بالرّبح

وڨت إلّي كبّر والدي للصُّبح ..

ولانِت حروف الفاتحة في صوته

و اشّابكت لَبْعاد

تجيب الفَرَح  و تْفوته

وماعاد .. كان الريح ،

يملا المسافة الواسعة

و عڨاب حِلمة في العيون النّاعسة

بكسوة جديدة البارح

و رْعش قلبي – يا ضنيني – فارح

تخيّلتني سلطان !

في مملكة و أعيان !

و كلّ مِنْ حقرني آمس .. طالب رضاي و هَان

و باباك لابس كسوته ..

أحلى الكساوي كانت ..

و عدّى نهاري كيف ما عدّيته

قلبي محبّة صافية

زيّ المحبّة لولديّ  ، كيف ضمّني و ضمّيته

*

لكن عقاب اليوم ..

 جدّك حناه  الكُبر

و  » تقسم ظهرك يا جمل الصّبر « 

وسط المڨاطع طاح

لا من مسكله يدّه ..

 و لا مِن  مسحله دمعته في الشدّة !

و لمّا حضنّي باكي ..

نِزلت دموع عيونه

على لِحفته .. وعلْ خدّي

حسيّتني سلطان

ولا حدّ مِنهم  نِدّي .. !

و من غير ما تكلّمنا

  بعيونّا تبسّمنا ..

و بين الحضان خذيته

كيف ما حضنّي ولدي ..كيف ضمّني و ضمّيته

عمار الجماعي 

الخال


فيديو لحاتم القرمازي الشّاب المسجون لأنّه إخترع صاروخ "تونس حرّة"
الرّقاب/ بالفديو: الأمن يهشّم دكّان مواطن
بالفيديو: راوية علّاقي تروي تفاصيل إعتداء القيّم العام على والدتها
وقفة احتجاجية تطالب بالكشف عن الأطراف المتورطة في قضية اغتيال الشهيد شكري بلعيد
سندس قربوج: لهذه الأسباب يصبح أبناؤنا إرهابيّين
بالفيديو: ومضة تحسيسيّة رائعة
قدماء مناضلي الاتحاد العام لطلبة تونس يهددون بطلب اللجوء السياسي
حمّه الهمّامي يروي لأوّل مرّة ذكريات 14 جانفي 2011 في دهاليز الدّاخليّة (الجزء الثالث)
حمّه الهمّامي يروي لأوّل مرّة ذكريات 14 جانفي 2011 في دهاليز الدّاخليّة (جزء ثاني)

وزيرة الصحة بالنيابة "وفاة 6 رضّع بمستشفى...

فتح تحقيق في وفاة 6 رضّع بمستشفى محمد...

وفاة 6 رضع بقسم الولدان في مستشفى الطاهر...

ّاستطلاعات الرأي حول الانتخابات : دار...

الترفيع في تعريفة الكهرباء والغاز

أسعار النفط تقفز أكثر من 5 بالمائة

عدم الترفيع في كلفة القروض السكنية...

الجودي : الترفيع في نسبة الفائدة المديرية...

علماء الفلك يكتشفون نوعا نادرا من المجرات...

اليوم : مشاهدة وميض كوكب المشتري بالعين...

أصوات غريبة على سطح المريخ

رجة أرضية بمنطقة القطار من ولاية قفصة،

تعرّف على الوجه الآخر لجزيرة " لامبدوزة " في...

رفيف الكلام ..بقلم عمار جماعي ( الخال ) .. من...

وفاة المفكر السوري طيب تيزيني

شبه مريب بين مسلسل "المايسترو " وفيلم فرنسي...